Armenian Caritas

Հայկական Կարիտասի պատմությունը

1995թ. մայիսին, Հայ Կաթողիկե Եկեղեցին` Հ. Ներսէս Արքպ. Տէր-Ներսէսեանի, Գյումրիում հաստատված` Հայաստանում, Վրաստանում և Արևելյան Եվրոպայում Հայ Կաթողիկեների առաջնորդի նախաձեռնությամբ, հիմնեց Հայկական Կարիտասի գրասենյակը Գյումրիում` Շիրակի մարզում:

1996 թ.-ին ստեղծվեց վեց անդամներից և նախագահից կազմված Վարչական Խորհուրդը, որի խնդիրն էր կազմակերպության ռազմավարությունը մշակելը և իրագործումը վերահսկելը:

Կազմակերպությունը պաշտոնապես ՀՀ Արդարադատության նախարարության կողմից որպես տեղական հասարակական կազմակերպություն գրանցվեց 1997 թ.: 1999 թ-ից կազմակերպությունը անդամակցում է Միջազգային Կարիտասին: Այն անդամ է նաև Եվրոպական Կարիտասին և ICMC կազմակերպությանը (Միջազգային կաթողիկե միգրացիոն հանձնախումբ):

2004 թ. մայիսին, Հ. Ներսէս Արքպ. Տէր-Ներսէսեանի հրաժարականից հետո, նոր նախագահ դարձավ Հ. Նշան Արքպ. արագեհեյանը, Հայաստանում, Վրաստանում և Արևելյան Եվրոպայում Հայ Կաթողիկեների առաջնորդը: Սրբազան Հայրը Հայկական Կարիտասի հիմնաքարերը դնողներից մեկն է եղել և ստեղծման առաջին տարիներին մեծապես նպաստել կազմակերպության կայացմանը և զարգացմանը:

Հայկական Կարիտասի ձեռնարկած առաջին քայլերը միմիայն հումանիտար օգնության բնույթ ունեին` առաջին ծրագրերը, որում կազմակերպությունը ներգրավվեց օժանդակության ծրագրեր էին: 1998 թ. հունվարին Հայկական Կարիտասի վարչական խորհուրդը որոշեց սկսել համայնքային հենք ունեցող զարգացման ծրագրերի իրագործումը: որպեսզի Հայկական Կարիտասի ծրագրային բազան բազմակողմանի դառնար, կազմակերպությունը ինստիտուցիոնալ կարողությունների մեծացման և հզորացման կարիքը ուներ: ԿՕԾ/Հայաստանի գրասենյակը և Նիդերլանդների Քորդեիդ կազմակերպությունը օժանդակեցին Կարիտասին այդ հարցում:

Երկամյա ՙՀԿ ինստիտուցիոնալ կարողությունների հզորացում՚ ծրագիրը (1998/1999) Կարիտասին օգնեց նոր գրասենյակ հաստատել, ծածկում էր ադմինիստրատիվ և կառավարման բոլոր ծախսերը, անձնակազմին օժանդակության և դասընթացների հնարավորություն էր ընձեռում: Այն նաև օգնեց Ջրամատակարարում և Սանիտարիա եւ Ծնող-դպրոց համագործակցություն ծրագրերի միջոցով համայնքային զարգացման և ներգրավման սկզբունքը որդեգրել: Այն Կարիտասին թույլ տվեց հզորանալ, առավել զինված լինել տեղի բնակչության կարիքներին արձագանքելիս և ավելի պատրաստ լինել հետագա խնդիրներին դիմակայելու համար:

Ժամանակի ընթացքում, Հայկական Կարիտասը հումանիտար և զարգացման գործունեությունը նշանակալիորեն ընդլայնեց նաև երկրի այլ շրջաններում` Շիրակի մարզից բացի գործունեություն ծավալելով Լոռու, եղարքունիքի մարզերում, ինչպես նաև Երևան քաղաքում:

Այսօր Հայկական Կարիտասը ամուր հիմքեր ունեցող կազմակերպություն է` հստակ սահմանված առաքելությամբ և ռազմավարական ուղղություններով, որը ուժեղ պոտենցիալ ունի առաջիկայում զարգանալու և իր կարողությունների ներածին չափով իր շահառուներին ծառայելու համար: