Գլխավոր Ծրագրեր Ավարտված ծրագրեր Գերմանական Բարեկամություն

шаблоны joomla
seo
VTEM Image Stack
VTEM Image Stack
VTEM Image Stack
VTEM Image Stack
VTEM Image Stack
VTEM Image Stack

«Գերմանական բարեկամություն» ծրագիր

Սկիզբ` 2003թ

Ավարտ` Սեպտեմբեր, 2015թ

Նախապատմություն`

Ծրագիրը մտահղացել են Գերմանիայի Բոնն քաղաքի Կարդինալ Ֆրինգզի անվան Գիմնազիայի ուսուցչական անձնակազմը, սաները և ծնողները դեռևս 2003 թվականին: Առ այսօր գիմնազիան պարբերաբար դրամահավաք է կազմակերպում, որպեսզի Հայաստանում դպրոցահասակ երեխաների կրթական պայմանները բարելավվեն և լուծվեն դպրոցների առաջնային խնդիրները: Ծրագիրը նաև սատարում է համայնքային կարողությունների կառուցմանը` խթանելով համայնքային մասնակցությունը ծրագրի իրականացման բոլոր փուլերում:
Համայնքները ծրագրերում իրենց մասնակցությունն են ունենում ապահովելով ներդրում ծրագրի առնվազն 20%-ի չափով` աշխատանքի, շինանյութի և գումարի տեսքով:

Առաջին երկու տարիներին (2003, 2004) ընդգրկվել են Շիրակի եւ Գեղարքունիքի մարզերի 11 հեռավոր գյուղերի դպրոցներ` 6-ը Շիրակում և 5-ը Գեղարքունիքում:

2005 թ-ին Քեթիի, Վարդաքարի գյուղական դպրոցները եւ Ախուրիկ գյուղում գործող Ռուսական սահմանապահ զորքերի դպրոցը, ինչպես նաեւ Գյումրու 8-րդ միջնակարգ դպրոցի տարածքում գործող ՙԼիության տուն՚ ՀԿ-ն մասնակցեցին ծրագրին:

2006 թ-ին անմիջական օգնություն տրամադրվեց Գյումրիում, Սպիտակում եւ Վանաձորում գործող մի շարք հատուկ կարիքներով երեխաների դպրոցների և մանկատների սաներին:

2007 թ-ին կառուցվեց Կրաշեն գյուղական դպրոցի սպորտդահլիճը, վերանորոգվեց սանհանգույցը և կահավորվեց դպրոցի ճաշարանը: Նույն տարում կատարվեցին նաև Գյումրու հատուկ կարիքներով երեխաների 3-րդ դպրոցի պատի ամրացման աշխատանքները:

2008 թ-ին հաստատվեցին ևս երեք ծրագրեր. Գյումրու 11-րդ դպրոցի զուգարանների վերանորոգման, Գյումրու հատուկ կարիքներով երեխաների 3-րդ դպրոցի լվացքատան կառուցման և Գյումրու 8-րդ միջնակարգ դպրոցում գործող «Լիության Տուն» ՀԿ-ի ՙՀամայնքային  Ընդունարան՚ ծրագրերը: Դպրոցական աջակցության ծրագրերից բացի Գիմնազիումի սաները ուսուցչական եւ ծնողական խորհուրդների աջակցությամբ նախաձեռնեցին անմիջական օգնություն սոցիալապես անապահով պայմաններում բնակվող 20 ընտանիքների:

2009 թ-ին ֆինանսավորվեցին հետևյալ ծրագրերը. Առափի համայնքի միջնակարգ դպրոցի գլխավոր մուտքի հատվածում հանդերձարանի և սանհանգույցների կառուցումը, որի իրականացման համար դպրոցական համայնքի ներդրումը աննախադեպ էր ծրագրի համար, քանի որ կազմեց հաստատված գումարի 100%-ը: Գյումրու ՙԲնանկար՚ արվեստի դպրոցի երկու սենյակների հիմնովին և ընդանուր դպրոցի կոսմետիկ վերանորոգումը: Այս ծրագիրը եւս գրանցեց առանձնահատուկ նվաճում. ծրագրին Գյումրու Քաղաքապետարանը կատարեց 20% ֆինանսական ներդրում: 2009 թ-ին եւս շարունակվեց աջակցությունը տնակային պայմաններում բնակվող անապահով ընտանիքներին: Շահառուների թիվը այս անգամ 53 էր:

2010 թ-ին կատարվելու են Փոքրաշեն գյուղի միջնակարգ դպրոցի վերանորոգումը,  Գետքի միջնակարգ դպրոցի գրադարանի վերանորոգումը և կահավորումը, ինչպես նաև Ախուրյանի գյուղատնտեսական վարժարանի վերանորոգումը: Դպրոցական աջակցության ծրագրերին զուգահեռ շարունակվելու է նաև սոցիալական աջակցության ծրագիրը` ուղղված տնակային պայմաններում բնակվող ընտանիքներին:

Գործընկերներ`Ծրագիրը օժանդակությունը ստանում է Գերմանիայի Բոնն քաղաքի Կարդինալ Ֆրինգզի անվան Գիմնազիայի ուսուցիչների, աշակերտների և ծնողների ջանքերի շնորհիվ:

Ծրագրի ղեկավարներԳայանե ՆորիկյանԱրտաշես Մարգարյան, Մկրտիչ Բաբայան

x-files | diets | boxing news | sport news | nokia 5230xm