Armenian Caritas

Խմելու և ոռոգման ջրագծերի վերանորոգում Հայաստանի հյուսիսային շրջանում

Սկիզբ`2010

Նախապատմություն`

Ջրամատակարման ծրագրերի իրականացումը Հայկական Կարիտասի ռազմավարական ուղղություններից մեկն է եղել դեռ 1996 թվից: Խմելու ջրի բավարար ռեսուրսներ ունենալու պայմաններում էլ մինչ այսօր հազարավոր ընտանիքներ զուրկ են մաքուր և անհրաժեշտ քանակի ջուր ստանալու հնարավորությունից: Այս խնդրի հիմնական պատճառը քայքայված ջրագծերն են, որոնք կառուցվել են դեռ 1960-ական թվականներին և կապիտալ վերանորոգման կարիք ունեն: Քայքայված ջրագծերը մոտավորապես 50-60 տոկոս ջրային կորստի պատճառ են հանդիսանում և մարդիկ հնարավորություն չունեն լուծել բազմաթիվ առաջնային կարիքներ, որոնք կապված են խմելու ջրի հասանելիության հետ:

Մոտավորապես նույն վիճակն է նաև ոռոգման ցանցերում, միայն այն տարբերությամբ, որ ի տարբերություն խմելու ջրի, ոռոգման ջրի ռեսուրսները բավարար չեն, և արդյունքում մի շարք գյուղական վայրերի բնակիչներ զուրկ են իրենց դաշտերը ոռոգելու հնարավորությունից: Այս հանգամանքը բացասական ազդեցություն է թողնում տնտեսությունների ֆինանսական մակարդակի վրա, քանի որ գյուղական բնակիչները այնքան արտադրանք չունեն շուկա հանելու և բնականաբար բավարար եկամուտներ չեն ստանում իրենց հողերից:

Ջրամատակարարման ծրագրերն իրականացնելիս ստեղծել ենք Համայնքային աշխատանքային խմբեր, որոնք ամբողջ իրականացման ընթացքում իրենց ակտիվ մասնակցությամբ ու նյութական ներդրմամբ նպաստել են ծրագրի հաջող ավարտին:Ներդրումները եղել են ֆինանսական,ֆիզիկական աշխատանքով, նյութերով ու աշխատանքային գործիքներով, մեխանիզմով ու տրանսպորտային միջոցներով: Ներդրման միջինը կազմել է 20-ից մինչև 33 տոկոս:

Այս նոր ծրագրի օգնությամբ Հայաստանի երեք մարզի` Շիրակ, Լոռի Գեղարքունիք, 13 գյուղերում ջրամատակարարման ծրագրեր են իրագործվում:(Տես գյուղերի ցանկը ներքևում)

Նպատակը

Ծրագրի նպատակն է բարելավել թիրախ համայնքների բնակիչների տնտեսական, սանիտարահիգիենիկ և սոցիալական պայմանները` զուգահեռաբար զարգացնելով տեղի համայնքների կարողությունները ջրային ռեսուրսների կառավարման գործում:

Խնդիրները

1. Վերանորոգել շարքից դուրս եկած ջրագծերը` փոխարինելով սինթետիկ խողովակներով.
2. Կառուցել դիտահորեր և տեղադրել փականներ.
3. Նպաստել գյուղատնտեսական մթերքների արտադրությանը` կառուցելով նոր ոռոգման ցանցեր.
4. Ստեղծել Համայնքային Աշխատանքային Խմբեր, որոնք պատասխանատու կլինեն ծրագրի մի հատվածի իրագործման և հետագա կայունության համար.

Ծրագրում ընդգրկված համայնքները

Գործընկերները` "Ռենովաբիս" (Գերմանիա), Կարիտաս Իտալիա

Ծրագրի ղեկավար` Արտաշես Մարգարյան