Armenian Caritas

"Արեգակ" Ցերեկային խնամքի կենտրոն բազմակի հաշմանդամությամբ երեխաների համար Գյումրիում

Սկիզբ` 2008

Հիմնավորում`

Հաշմանդամները կտրված և մեկուսացված են հասարակությունից, որովհետև նրանք ողջ ընտանիքի համար դիտարկվում են որպես բարդություն և թուլություն: Շատ դեպքերում ընտանիքի անդամներից մեկն է ստանձնում հաշմված անհատի խնամքի պատասխանատվությունը: Այս անձը հաշմանդամի համար դառնում է մարդկային շփման միակ աղբյուրը: Մեկ այլ մտահոգություն է նաև այն, որ հասարակությունը ընդհանրապես անտեղյակ է կամ բավարար սրտացավ չէ հաշմանդամ մարդու կենսապայմանների հանդեպ:

Հաշմանդամների համար չկան վայրեր, որտեղ նրանք կկարողանան հաղորդակցվել հասարակության այլ անդամների հետ, կամ կսովորեն որոշակի օգտակար գործողություններ սովորել: Միևնույն ժամանակ խնամատարները սկսում են բազմակի հաշմանդամություն ունեցող մարդկանց բեռ համարել, որովհետև իրենք եւս ժամանակ չեն ունենում իրենք իրենց կարիքների համար և նույնպես ինչ-որ կերպ մեկուսանում են:

Ըստ Հայկական Կարիտասի հետազոտությունների, քաղաքում բազմաթիվ հատուկ կարիքներով անձինք, հատկապես երեխաներ՝ զրկված են նորմալ կենսապայմաններից: Նրանք չեն ստանում սոցիալական ծառայություններ ո°չ պետական կառույցներից և ո°չ էլ այլ կազմակերպություններից և դատապարտված են մնալ մեկուսացված իրենց տներում: Նրանք չեն կարողանում հաղորդակցվել և ժամանակի մեծ մասը անցկացնում են մեկուսացված իրենց ընտանիքներում և տներում:

Նպատակը`

Շիրակի մարզի Գյումրի քաղաքի բազմակի հաշմանդամություն ունեցող  երեխաներին  և նրանց ընտանիքներին ներգրավել հասարակության մեջ և նպաստել որպեսի արժանանան հավասար վերաբերմունքի` նրանց տրամադրելով մի շարք աջակցող և զարգացողական ծառայություններ:

Խնդիրներ`

• Բարելավել Գյումրի քաղաքի բազմակի հաշմանդամություն ունեցող 30 երեխաներին և նրանց ընտանիքների կյանքի որակը
• Հնարավորություն տալ բազմակի հաշմանդամություն ունեցող երեխաներին ձեռք բերել հիմնական գործողությունների հմտություններ, որը նրանց կօգնի հեշտացնել իրենց առօրյան:

Շահառուներ`

Շիրակի մարզի Գյումրի քաղաքի բազմակի հաշմանդամություն ունեցող 30 երեխա և ավելի քան 150 հաշմանդամ երեխաների ըտանիքների անդամներ` ընդգրկված "Արեգակ" ցերեկային խնամքի կենտրոնում:

Գործողություններ`

• Ցերեկային խնամքի կենտրոն,
• Հիգիենիկ և բժշկական խնամքի տրամադրում,
• Սնունդի տրամադրում,
• Գեղագիտական, հանգստի և սոցիալական միջոցառումների կազմակերպում,
• Հոգեբանական վերականգնում և կյանքի համար անհրաժեշտ հմտությունների զարգացում,
• Հոգեբանական և գեղարվեստական թերապիայի կազմակերպում,
• Կրթական գործունեության կազմակերպում,
• Սոցիալ-հոգեբանական խորհրդատվություն:

Գործընկերներ`

Ծրագիրը գործում է Կարիտաս Ավստրիայի ֆինանսական աջակցության շնորհիվ:

Ծրագրի ղեկավար`Արմեն Մարտիրոսյան