Armenian Caritas

Հավասար կրթություն բոլոր երեխաների համար

Սկիզբ` 2010

Ծրագրի իրականացման վայրը`

ՀՀ Շիրակի և Գեղարքունիքի մարզեր, ք. Երևան

Նպատակը`

Ծրագիրը նպատակ ունի նպաստելու հաշմանդամ, և կրթական գործընթացից դուրս մնացած, սոցիալապես անապահով երեխաների որոշակի հիմնահարցերի լուծմանը՝ ապահովելով նրանց ձայնի և կրթույան իրավունքների պաշտպանվածությունը: Ներդրում ունենալ Հայաստանում ներառական կրթության զարգացման գործում:

Թիրախ խմբերը`

Դպրոցի ԾԽ ՀԿ-ները, դպրոցների անձնակազմները, դպրոցականները և ծնողները, կրթական համակարգից դուրս մնացած երեխաները, հասարակական հեղինակությունները:

Շահառուներն են`

Հաշմանդամ երեխաները,տարբեր պատճառներով կրթական համակարգից դուրս մնացած երեխաները և Հայաստանի բնակչությունը:

Առանձնահատուկ Խնդիրներ`

1. Հնարավորություն ընձեռել 28 ԾԽ-ներին և 3 դպրոցների անձնակազմների անդամներին աշխատել կրթական գործընթացից դուրս մնացած երեխաների հետ, և կազմակերպել նրանց ներգրավումը դպրոցական կյանքում:
2. Բարելավել դպրոցների պայմանները՝ հնարավորություն տալով հատուկ կարիքներ ունեցող երեխաներին մասնակցելու դպրոցական կյանքին:
3. Զարգացնել համագործակցությունը համապատասխան հաստատությունների հետ՝ ապահովելով կրթական գործընթացից դուրս մնացած երեխաների բարեհաջող ներգրավումը դպրոցական առօրյային, և նպաստել հասարակության վերաբերմունքի փոփոխությանը:

Արձանագրված արդյունքները

1.1 Զարգացել է ԾԽ ՀԿ-ների կարողությունը՝ հատուկ կարիքներով երեխաներին բացահայտելու և դպրոցական անձնակազմներին ներառական կրթության կազմակերպման հարցում օգնելու ուղղությամբ:
1.2 Բարելավվել է 3 դպրոցների անձնակազմների կարողությունը՝ ներառական կրթության իրականացման և կազմակերպման գործում:
1.3 Հաշմանդամ և կրթական գործընթացից դուրս մնացած երեխաները ինտեգրվել են դպրոցում:
2.1 Երեք դպրոցներ պատրաստ են իրականացնելու ներառական կրթություն, և մնացած բոլոր դպրոցները պատրաստ են ընդունելու հատուկ կարիքներ ունեցող երեխաների:
2.2 Հաշմանդամ երեխաները ապահովված են անհրաժեշտ հարմարություններով:
3.1 Ձեռք են բերվել անհրաժեշտ համաձայնություններ և զարգացել են երեք մարզերի համապատասխան հաստատությունների հետ համագործակցության մեխանիզմները:
3.2 Փոխվել է երեք մարզերում տիրող հասարակական վերաբերմունքը:

Գործընկերներ`

Դպրոցական Ծնողխորհուրդների Անդամների Ազգային Ասոցիացիա ՀԿ,Ֆրանսիական Կարիտաս

Ծրագրի ղեկավար`Անահիտ Գևորգյան