Armenian Caritas

Ծերերի Ցերեկային Խնամքի Կենտրոններ

Գյումրի
Տաշիր

Ծերերի Ցերեկային Հանգստի Կենտրոն Գյումրիում

Վայրը` Գյումրի, Շիրակի մարզ

Սկիզբ` 2006

Նպատակը`

Նպաստել Գյումրիում բնակվող 200 ծերերի հասարակական ինտեգրմանը` տրամադրելով մի շարք օժանդակ ծառայություններ, ինչպես նաև իրավական և սոցիալական խորհրդատվություն:

Նկարագրություն`

Ծրագիրն ունի տարբեր ուղղություններ` ինչպես հումանիտար, այնպես և նյութական օժանդակության տեսքով: Դրանց մեջ մտնում են սննդի, հիգիենիկ պարագաների, հագուստեղենի, անկողնային պարագաների տրամադրում, հանգստի կազմակերպում: Շահառուները օրական մեկ անգամ ստանում են ճաշ:

Նրանք գրանցված են Հայկական Կարիտասի Առողջության Առաջնային Պահպանման կլինիկայում` ստանալով բժշկական օգնություն և դեղորայք` համաձայն բժշկի դեղատոմսի: Բժիժկներն ու ընտանեկան բուժքույրերը հաճախակի դասախոսություններ են կարդում Անձնական Հիգիենա, թմատիկ Հիվանդություններ և այլ թեմաներով:

Հանգստի կազմակերպումն ընդգրկում է սեղանի տարբեր խաղեր, թատերական ներկայացումներ, հեռուստատեսային հետաքրքիր հաղորդումներ, համերգներ պրոֆեսիոնալ կատարողների, դպրոցականների ու մանկապարտեզների սաների մասնակցությամբ:

Ֆինանսավորում` Իտալական Եպիսկոպոսների Խորհուրդ, Կարիտաս Ավստրիա

Ծրագրի ղեկավար`Սամվել Գևորգյան

Հաշմանդամ ծերերի ցերեկային հոգածության կենտրոն Տաշիրում

Վայրը` Տաշիր, Լոռու մարզ

Սկիզբ` 2007

Նպատակը`

Նպաստել հաշմանդամ ծերերի ինտեգրմանը հասարակությանը և նրանց նկատմամբ պատշաճ վերաբերմունք տրամադրել` մի շարք աջակցող ծառայություններ, ինչպես նաև սոցիալական և իրավաբանական խորհրդատվություն մատուցելով:

Նկարագրություն`

Ծրագիրն իր բնույթով մարդու իրավունքների պաշտպանության ծրագիր է և նպաստում է հաշմանդամ ծերերի կենսամակարդակի իրավունքի պաշտպանությանը, որն իր մեջ ընդգրկում է առողջության ու կարեկցության, այդ թվում` սննդի ու բժշկական սպասարկման, անհրաժեշտ սոցիալական ծառայությունների և այլ իրավունքները (ՄԻՀՀ Հոդված 25): Ինչպես նաեւ այն նպաստում է համայնքի մշակութային կյանքին ազատորեն մասնակցելու յուրաքանչյուր անձի իրավունքի պահպանմանը (ՄԻՀՀ Հոդված 27):

Ծրագրում ներգրավված են 60 ծերեր, ովքեր կենտրոն են հաճախում շաբաթը 2-3 օր (կախված հաճախման գրաֆիկից)` յուրաքանչյուր օր 30 տարեցներ: Կենտրոնի ամենօրյա գործունեությունը ներառում է` ծերերի հանգստի կազմակերպում, սնուցում, անձնական հիգիենայի և առողջության առաջնային պահպանման հարցերում օժանդակության տրամադրում, իրավաբանական խորհրդատվություն, սոցիալական միջոցառումներ և այլն: Ծրագրի շրջանակներում իրականացվում են մի շարք գործողություններ, որոնք ուղղված են հանրային իրազեկության բարձրացմանը և հաշմանդամ ծերերի իրավունքների քարոզչությանը:

Ֆինանսավորում` Medicor Հիմնադրամ, L’Oeuvre D’Orient

Ծրագրի ղեկավար`Արմեն Մարտիրոսյան